رسالة حنان .. إلى سَجَّان
يا سَجَّان .. يا سَجَّان ... جوه السجن في غلبان
ابحث عنه .. وريح ظنه ... وادى له أمل .. وادى له أمان
........
غلبان مخنوق .. واصحاب السوء ... قالوا له .. دا مجرد برشام
وفى لحظه قابلهم ..وراح صدقهم ... وخدوه فى طريق الإدمان
.........
ولا كان على باله تنهد آماله ... ويبقى دا حال بيته وعياله
إبنه بيهرب من مدرسته ... ورضيعه .. بيعانى الحرمان
........
جايلك والإيد ملفوفه بحديد ... وخلاياه بتموت من غير تجديد
ساهم فى علاجه دا شىء محتاجه ... وبيتألم منه لحد الآن
........
يا سَجَّان .. يا سَجَّان ... يا الله اتوكل ع الرحمن
واسرع فى نهوضه من قبل خروجه ... ومن قبل ما يفوت الأوان
........
دا حمله تقيل لكبير وصغير ... هيحطم ويدمر من غير حسبان
يا سَجَّان .. يا سَجَّان ...يا الله اتوكل ع الرحمن
والله ربك .. يشكر جهدك ... لما هتحيى أمل إنسان
كأنك أحييت كل عبيده ... دا اسمه الشكور الديان
وبصدق النيه ودعوات قلبيه ... يصبح راجل وعيم الشان
يصبح راجل وعيم الشان
ــــــــــــــــــــــــــــــــــــــــــ
كلمات الكاتبة / حنان فتحى
Atom Feed (xml)