النجمة اللى بينّا

النجمة اللى بينّا

والله دا فخر لينا ... فخر لكل الأجيال

لماّ نشوفك بعنينا ... يا أم النور والجمال

وام شهيدك يا بلدى ... يا ام محمد جمال

.......

يا ام شهيد المنصورة .. والله ها تحلو الصورة

وانتِ النجمة اللى بينّا ... واحنا كواكب منثورة

بندور حواليكِ يا حلوه ... وبنتمنى الوصال

يام محمد جمال

.......

حقك تتباهى ما بينّا ... ودم إبنك .. حِنَّه

رشت تراب ميدانّا ... عزة وكرامة .. ومنه

وقالت دا .. تمن للجنّه ... وبيدفعوه أبطال

زى محمد جمال

........

بنت الأرض وشايلاكى ... وفاتحه كل البيبان

بتغزل بالأمل وياكى ... بساط محبه وحنان

وبإيه .. تكون هداياكى ... وابنك هداكى الأمان

سيرته .. عطر المكان ... واسمه .. على الميدان

ومقام .. وذكر عال ... يا ام محمد جمال

........

والله دا فخر لينا ... فخر لكل الأجيال

لما تشوفك عنينا ... يا أم النور والجَمال

وام شهيدك يا بلدى ... يا ام محمد جمال

ــــــــــــــــــــــــــــــــــــ

إهداء من حنان فتحى

السبت 7/4/2012